بعض الأمور بتفقد الحياة قيمتها....زي انك تبقي عملي بس "زياده عن اللزوم"....بمعني انك تبقي بتحب تنجز بس "بزيادة"....بتحب السرعه في كل شئ و مش بتهتم بالتفاصيل المهم ننجز و "نخلص"....الدنيا كلها أو أيامك كلها بتبقي عباره عن وظايف و عاوز تخلصها و بسرعه....مش بتعيش اللحظه بل العكس انت مش بتعيش غير النتيجه....اول اما تحقق او تخلص تشعر بالسعادة....
المشكله في ده ان متع الحياه كلها تقريبا ممكن تعدي عليك و انت للاسف مش واخد بالك....زي الي بياكل شوكولاته....في واحد تلاقيه بيحس بالسعادة اما يخلصها....و في واحد بيستمتع بيها و بكل قطمه:)......اختبار الشكولاته ده يوضحلك انت من اني نوع....
نفس الشئ...في واحد بيصحي الصبح و بيروح الشغل و كل تركيزه انه يخلص عشان يروح و لما يروح يستريح و في واحد بيصحي الصبح برضوو بيروح الشغل و هو عاوز يخلصه برضو عادي لكن بيستمتع بالقاعده مع أصحابة في الشغل و بيحب تفاصيل اليوم في شغله....فرق بسيط و منبعه طريقة التفكير لكن تأثيره كبير علي العيشة كلها....
كمان تاني مشكلة ان النوعية دي من الناس ممكن يفوق كده و يحس ان العمر جري و انه معاش حياته و مستمتعش بيها و يبقي فاكر ان السبب شغله أو ظروفه في حين أن السبب فيه هو...دماغه!
الملاحظه دي اخدت بالي منها اما قابلت ناس بتاخد بالها من التفاصيل الجميلة في الدنيا و تستمد سعادتها منها....اصل السعادة حاجات بسيطه كده علي بعض....استمتع بالتفاصيل و خد بالك منها لأن مجموعة التفاصيل علي بعضها هي دي الحياة.....عيش اللحظه...أو بمعني أصح....عيش حياتك بتفاصيلها....
المشكله في ده ان متع الحياه كلها تقريبا ممكن تعدي عليك و انت للاسف مش واخد بالك....زي الي بياكل شوكولاته....في واحد تلاقيه بيحس بالسعادة اما يخلصها....و في واحد بيستمتع بيها و بكل قطمه:)......اختبار الشكولاته ده يوضحلك انت من اني نوع....
نفس الشئ...في واحد بيصحي الصبح و بيروح الشغل و كل تركيزه انه يخلص عشان يروح و لما يروح يستريح و في واحد بيصحي الصبح برضوو بيروح الشغل و هو عاوز يخلصه برضو عادي لكن بيستمتع بالقاعده مع أصحابة في الشغل و بيحب تفاصيل اليوم في شغله....فرق بسيط و منبعه طريقة التفكير لكن تأثيره كبير علي العيشة كلها....
كمان تاني مشكلة ان النوعية دي من الناس ممكن يفوق كده و يحس ان العمر جري و انه معاش حياته و مستمتعش بيها و يبقي فاكر ان السبب شغله أو ظروفه في حين أن السبب فيه هو...دماغه!
الملاحظه دي اخدت بالي منها اما قابلت ناس بتاخد بالها من التفاصيل الجميلة في الدنيا و تستمد سعادتها منها....اصل السعادة حاجات بسيطه كده علي بعض....استمتع بالتفاصيل و خد بالك منها لأن مجموعة التفاصيل علي بعضها هي دي الحياة.....عيش اللحظه...أو بمعني أصح....عيش حياتك بتفاصيلها....
ليست هناك تعليقات:
إرسال تعليق