قبل ما رجلي تتجبس (و دي حادثه وقعتلي قريب:))....كنت بالليل او اما بصحي الصبح بحب اكتب الحاجات الي المفروض اعملها...الحاجات الي ورايا يعني عشان اعالج حالة السهتنه و الزهايمر الي عندي:)....و الحكايه دي جوزي الي قالي عليها عشان جايز ابقي افتكر اشطب الحوض او اودي هدومه المكوجي:)......المهم اما جيت اكتب كنت هكتب to do list و بعدين في حالة "التعريب" الي بحاول اعيشها قلت لا مش همشي حياتي بالانجليزي....طيب اكتب ايه؟ طب يعني ايه to do list؟ يعني.............to do.....عشان يبقي يتعمل....او عشان اعمل....او عشان يتعمل....اه طيب و طبعا list يعني قائمه....يعني الخلاصه "قائمة عشان يبقي يتعمل؟!"....طبعا اي كلام....قلت طيب امال اكتب ايه؟ ممممم "قائمة المهام"....
سؤال بيطرح نفسه....طب ليه كل التفكير ده ما تمشيها "تدو ليست" و السلام؟....بصراحه لا....انا مش ضد اللغات خااااااالص بالعكس دي حاجه مهمه جدا....لكن انا ضد اني انسي هويتي و انتمائي....علي رأي جوزي بيقولي انه مبيحبش "القلقاس" عشان بيحس انه كان نفسه يبقي ملوخيه و فشل:)))))))......اهو هو ده....لو لم اكن عربيا لوددت ان اكون عربيا....كل دول العالم باستثناء المتخلف منها بيتكلموا لغتهم و مبيدخلوش كلامات اجنبيه الا في الحاجات المستحدثه...بل و ساعات ممكن يعملولها مصطلح من لغتهم....اشمعني احنا؟
كنت بسمع محاضرات لغه عربيه......جميييله جدا....و اجمل ما فيها انحياز المدرس للغه العربيه....و بيقنعك فعلا انها جميله و قويه....و قارن بينها و بين اللغه الانجليزيه مثلا....و قالك لو عاوزين نشوف في كام كلمه في اللغه الانجليزيه بتتكون من 3 حروف...هنقول مثلا 26x26x26 طيب و في العربي هتبقي 29x29x29* يعني مبدائيا اللغه العربيه انتصرت (هيهيهيهييييي) في مقياس مين اغني من ناحية الكلمات....لا لا معلش لسه....احنا بنتكلم من غير ما نحسب التشكيل الفاتحه و الكسره و الضمه....يعني الرقم الصحيح هو 29x3x29x3x29x3!!!!!!!!!!!!! فارق رهيب مع الاعتذار للانجليز:)
حاجه تانيه قارن بين الكلمات دي::
BOOK
DOOR
MOON
التلت كلمات فيهم OO في النص....الا ان نطقهم مختلف....يا ريت حد يفسرلنا ده....لاني مش لاقياله اي تفسير الا اننا بنكتب شئ و بننطق شئ اخر.....تحت شعار "اقرأ و انت ساكت:)"...و هنا بقي بنعتذر للمخ:)
بعد كده الراجل قلب علي اللغه الفرنسيه....اللغه الارستقراطيه....انا بصراحه مدرستش فرنساوي خااالص....فعشان ادلق عليكوا الكلمتين دول عملت بحث:)....ازاي نقول ثلاثه و سبعين بالفرنساوي؟ اه بنقول ستين و حداشر...."soixante- treize"....يعني مفيش سابعين في الفرنسيه....في ستين و عشره....ستين و حداشر...ستين و اتناشر....و انت طالع لحد التمانين!!!!!!!!!!!!
خدوا دي كمان....مفيش تمانين...في اربع عشرينات!!!!!!!...يعني اربع عشرينات و واحد...اربع عشرينات و اتنين....اربع عشرينات و تلاته........و سلملي علي المنطق و السهوله و التروماي كمان:)....
طبعا انا مش قصدي سخريه من اللغات التانيه....لكن لازم نكون معتزين بلغتنا....بلاش نبقي قلقاس...لو لم اكن عربيا لوددت ان اكون عربيا.......
------*اللغه العربيه 29 حرف خلافا للمشهور 28 لان الهمزه بالاجماع حرف.
سؤال بيطرح نفسه....طب ليه كل التفكير ده ما تمشيها "تدو ليست" و السلام؟....بصراحه لا....انا مش ضد اللغات خااااااالص بالعكس دي حاجه مهمه جدا....لكن انا ضد اني انسي هويتي و انتمائي....علي رأي جوزي بيقولي انه مبيحبش "القلقاس" عشان بيحس انه كان نفسه يبقي ملوخيه و فشل:)))))))......اهو هو ده....لو لم اكن عربيا لوددت ان اكون عربيا....كل دول العالم باستثناء المتخلف منها بيتكلموا لغتهم و مبيدخلوش كلامات اجنبيه الا في الحاجات المستحدثه...بل و ساعات ممكن يعملولها مصطلح من لغتهم....اشمعني احنا؟
كنت بسمع محاضرات لغه عربيه......جميييله جدا....و اجمل ما فيها انحياز المدرس للغه العربيه....و بيقنعك فعلا انها جميله و قويه....و قارن بينها و بين اللغه الانجليزيه مثلا....و قالك لو عاوزين نشوف في كام كلمه في اللغه الانجليزيه بتتكون من 3 حروف...هنقول مثلا 26x26x26 طيب و في العربي هتبقي 29x29x29* يعني مبدائيا اللغه العربيه انتصرت (هيهيهيهييييي) في مقياس مين اغني من ناحية الكلمات....لا لا معلش لسه....احنا بنتكلم من غير ما نحسب التشكيل الفاتحه و الكسره و الضمه....يعني الرقم الصحيح هو 29x3x29x3x29x3!!!!!!!!!!!!! فارق رهيب مع الاعتذار للانجليز:)
حاجه تانيه قارن بين الكلمات دي::
BOOK
DOOR
MOON
التلت كلمات فيهم OO في النص....الا ان نطقهم مختلف....يا ريت حد يفسرلنا ده....لاني مش لاقياله اي تفسير الا اننا بنكتب شئ و بننطق شئ اخر.....تحت شعار "اقرأ و انت ساكت:)"...و هنا بقي بنعتذر للمخ:)
بعد كده الراجل قلب علي اللغه الفرنسيه....اللغه الارستقراطيه....انا بصراحه مدرستش فرنساوي خااالص....فعشان ادلق عليكوا الكلمتين دول عملت بحث:)....ازاي نقول ثلاثه و سبعين بالفرنساوي؟ اه بنقول ستين و حداشر...."soixante- treize"....يعني مفيش سابعين في الفرنسيه....في ستين و عشره....ستين و حداشر...ستين و اتناشر....و انت طالع لحد التمانين!!!!!!!!!!!!
خدوا دي كمان....مفيش تمانين...في اربع عشرينات!!!!!!!...يعني اربع عشرينات و واحد...اربع عشرينات و اتنين....اربع عشرينات و تلاته........و سلملي علي المنطق و السهوله و التروماي كمان:)....
طبعا انا مش قصدي سخريه من اللغات التانيه....لكن لازم نكون معتزين بلغتنا....بلاش نبقي قلقاس...لو لم اكن عربيا لوددت ان اكون عربيا.......
------*اللغه العربيه 29 حرف خلافا للمشهور 28 لان الهمزه بالاجماع حرف.
