لسه فكرة و انا ف IG منظر واحده صاحبتي و هي خارجه من حصة الHistory و علي وشها علامات التعجب...و سر هذا التعجب المعلومات الجديده الي سمعتها عن حرب اكتوبر و الثغره الي حصلت الي مسمعناش عنها حاجه قبل كده....طبعا ده نتيجة ان المناهج بريطانيه و دي طبعا تختلف في وضعها عن المنهج المصري الي هدفه توجية الطالب لاعتقادات معينه....
" كتب الفريق الشاذلي مذكراته عن الحرب والتي اتهم فيها السادات باتخاذ قرارات خاطئة رغماً عن جميع النصائح من المحيطين أثتاء سير العمليات على الجبهة أدت إلى التسبب في الثغرة وتضليل الشعب بإخفاء حقيقة الثغرة وتدمير حائط الصواريخ وحصار الجيش الثالث لمدة فاقت الثلاثة أشهر كانت تصلهم الإمدادات تحت إشراف الجيش الإسرائيلي"
و بعدين تروح انت المدرسه يقولك السادات بطل الحرب و السلام:) هو احنا لازم الي يحكمنا نطلعه بطل؟ يعني مينفعش يبقي راجل طبيعي مثلا بس بيفهم في ادارة الدوله حبيتين؟؟؟ ده بطل الحرب و السلام و حسني صاحب اول طالعه جويه تقولشي خد الطيارة و راح حارب لوحده؟!! اختذال طالعه جويه بحالها في راجل واحد مش مهم سيبك انت المهم ان الي بيحكمنا بطل من نوعا ما:)
عشان كده و طبقا للنقاش الدائر حاليا في البلد...اعتقد ان الشعب المصري لا هو متدين بطبعه و لا عالماني كما يزعمون بطبعه...لا الحقيقه ان الشعب المصري مغيب بطبعه...مش عارفه ليه جايز لاننا في مدارسنا متعلمناش نفكر و نقيم الي بنقرأه و نسمعه بل بناخده كده امور مسلمه جايز لاننا متعلمناش يكون لينا رأي و جايز برضو لاننا شعب جاهل و الجهل الحقيقي مش موضوع قرايه و كتابه لاااااااا اطلاقا لكن القراءه و الاطلاع و انك تبقي ملم بان فيه كلام تاني في الكون غير كلامك و راي تاني غير رايك و تحاول تدور علي الكلام ده و تسمعه كويس و تقيمه بانصاف و تجرد و عموما التجرد ده معني بعيد جدا في مجتمع زي مجتمعنا...حيث ان كلمة تجرد دي غالبا مبنسمعاش الا مع الهدوم و عجبي:)!
جوزي لظروف يعني نزل الشغل يوم جمعة الغضب 28 يناير 2011....المهم طبعا لما بدأت الاحداث و الانفلات و حرق الاقسام و فتح السجون نزل هو و صاحبه من الشغل بسرعه عشان يروحوا....و طبعا الدنيا والعه و رصاص و بلطجيه و القصه الي انتو عارفينها دي ف خضم هذه الاحداث دخلوا منطقه شعبيه و لكم ان تتخيلوا ايها الساده لقي ايه؟ فرح.....فرح؟؟؟؟!!!!........ فرح يعني زفه بقي و معازيم و بتاع...شعب واعي و مش مغيب خااااااالص مع خالص تمنياتنا بالنجاح و التوفيق للقناة الاولي و التانيه:)
التغييب بقي في حد ذاته حلو مفيش كلام:) لانك الافضل ان تقتنع ان فريق الزمالك اتهزم من الاهلي عشان الحكم كان متحيز و الملعب مكانش بتاعهم و الجمهور كان عليهم و الارض كانت بتزحلق و اي كلام افضل عندك 100 مره من انك تقتنع ان الزمالك فريقك المفضل اداءه مكانش اد كده......ده هيعملك راحة نفسيه اكتر فعشان كده ممكن تبقي مرحب بالتغييب و اي معلومات و اعذار حتي لو مكذوبه و غير منطقيه بس اهم حاجه انك تبقي مستريح نفسيا....
بس بقي يا سيدي....و بما ان التغييب حلو مفيش كلام و ان الشعب المصري مغييب بطبعه....نقدر نقول و احنا مستريحيين ان التغييب ارادة شعب:)
" كتب الفريق الشاذلي مذكراته عن الحرب والتي اتهم فيها السادات باتخاذ قرارات خاطئة رغماً عن جميع النصائح من المحيطين أثتاء سير العمليات على الجبهة أدت إلى التسبب في الثغرة وتضليل الشعب بإخفاء حقيقة الثغرة وتدمير حائط الصواريخ وحصار الجيش الثالث لمدة فاقت الثلاثة أشهر كانت تصلهم الإمدادات تحت إشراف الجيش الإسرائيلي"
و بعدين تروح انت المدرسه يقولك السادات بطل الحرب و السلام:) هو احنا لازم الي يحكمنا نطلعه بطل؟ يعني مينفعش يبقي راجل طبيعي مثلا بس بيفهم في ادارة الدوله حبيتين؟؟؟ ده بطل الحرب و السلام و حسني صاحب اول طالعه جويه تقولشي خد الطيارة و راح حارب لوحده؟!! اختذال طالعه جويه بحالها في راجل واحد مش مهم سيبك انت المهم ان الي بيحكمنا بطل من نوعا ما:)
عشان كده و طبقا للنقاش الدائر حاليا في البلد...اعتقد ان الشعب المصري لا هو متدين بطبعه و لا عالماني كما يزعمون بطبعه...لا الحقيقه ان الشعب المصري مغيب بطبعه...مش عارفه ليه جايز لاننا في مدارسنا متعلمناش نفكر و نقيم الي بنقرأه و نسمعه بل بناخده كده امور مسلمه جايز لاننا متعلمناش يكون لينا رأي و جايز برضو لاننا شعب جاهل و الجهل الحقيقي مش موضوع قرايه و كتابه لاااااااا اطلاقا لكن القراءه و الاطلاع و انك تبقي ملم بان فيه كلام تاني في الكون غير كلامك و راي تاني غير رايك و تحاول تدور علي الكلام ده و تسمعه كويس و تقيمه بانصاف و تجرد و عموما التجرد ده معني بعيد جدا في مجتمع زي مجتمعنا...حيث ان كلمة تجرد دي غالبا مبنسمعاش الا مع الهدوم و عجبي:)!
جوزي لظروف يعني نزل الشغل يوم جمعة الغضب 28 يناير 2011....المهم طبعا لما بدأت الاحداث و الانفلات و حرق الاقسام و فتح السجون نزل هو و صاحبه من الشغل بسرعه عشان يروحوا....و طبعا الدنيا والعه و رصاص و بلطجيه و القصه الي انتو عارفينها دي ف خضم هذه الاحداث دخلوا منطقه شعبيه و لكم ان تتخيلوا ايها الساده لقي ايه؟ فرح.....فرح؟؟؟؟!!!!........ فرح يعني زفه بقي و معازيم و بتاع...شعب واعي و مش مغيب خااااااالص مع خالص تمنياتنا بالنجاح و التوفيق للقناة الاولي و التانيه:)
التغييب بقي في حد ذاته حلو مفيش كلام:) لانك الافضل ان تقتنع ان فريق الزمالك اتهزم من الاهلي عشان الحكم كان متحيز و الملعب مكانش بتاعهم و الجمهور كان عليهم و الارض كانت بتزحلق و اي كلام افضل عندك 100 مره من انك تقتنع ان الزمالك فريقك المفضل اداءه مكانش اد كده......ده هيعملك راحة نفسيه اكتر فعشان كده ممكن تبقي مرحب بالتغييب و اي معلومات و اعذار حتي لو مكذوبه و غير منطقيه بس اهم حاجه انك تبقي مستريح نفسيا....
بس بقي يا سيدي....و بما ان التغييب حلو مفيش كلام و ان الشعب المصري مغييب بطبعه....نقدر نقول و احنا مستريحيين ان التغييب ارادة شعب:)
