المولد

مره كده زمان كنت مع ماما في العربيه....و بعدين كعادة العربيات الي بتجوب شوارع القاهره الكاوتشه نامت حبيتين فتوجهنا بيها الي بنزينه عشان الراجل يكشفلنا عليها....المهم جيه العامل و قعد يتكلم كتيير و يقول لماما بصي يا مدام اهي مش عارف ايه و بصي اهو و اه من هنا و في مش عارف ايه....كلام كلام....المهم لقيت ماما كده فاجاءه قفشت و قالته لا خلاص - و هي قافشه - سيبها هعملها بعدين....و مشينا....قلت لماما ليه مخالتيهوش يعملها؟ قالتلي..العامل اما يتكلم كتير يبقي مش فاهم حاجه....

جدي برضو مره كده قالي جمله بتوصف حال الشعوب العربيه......بيقولك "العرب ظاهرة صوتيه"....كله بيتكلم في كل حاجه بعلم و غير علم...فاهم و عارف او مش فاهم و لا عارف و لا حتي عنده ادني فكره:).....و في نفس الوقت بنتكلم كتيييييييييييييييييييييييير و مبنشتغلش....مفيش مشكله اني اضيع ساعه في نقاش في حاجه انا اصلا مش فاهمه فيها و اضيع وقتي و مجهودي و افقد اخلاقي كمان.....و اظرف حاجه اني غالبا بكون مش ناويه اغير راي او اقتنع بكلام الي ادامي لا انا بتناقش عشان اقنع و بسسسسسسسس......ربنا يرحمنا...

و  الواحد من كتر الكلام و الرغي و النقاشات و الجدال الي بقي حواليه بيفتكر اغنيه في فيلم قديم - قبل ما الواحد ربنا يهديه و يبطل الكلام ده - بتقول:  "زحمه يا دنيا زحمه....زحمه و تاهوا الحبايب....زحمه و معدش رحمه....مولد و صاحبه غاااااااااااااااااااايب"...

#مولد

#قيل_و_قال

#كله_كلام_كتير

#مش_عيب_تقول_معرفش

#سكوووووووووووووت