أن السماء لا تمطر ذهبا و لا فضه....بلاش خيالات و أحلام....مفيش حاجه بال"فهلوة"!....لما ساعات ابقي في مأزق:) أو موقف صعب أو مشكلة....و ادعي ربنا....عادة تلاقي الأسباب بدأت تتيسرلك....يعني لو مريض مثلا...تلاقي ربنا ييسرلك حد يرشحلك دكتور شاطر مثلا....و تلاقي حد جاي من بره يجبلك دوا اجنبي مفعوله قوي....المهم عادة تلاقي الأسباب اتيسرت....و ده لأن ربنا عمل قوانين و سنن للكون...منها ان السماء لا تمطر ذهبا و لا فضه!
ساعات بقي و انت بتسعي في الأسباب الي ربنا يسرهالك و برضو مفيش فايده و تفضل تسعي و تسعي و فاجاءه تلاقي مشكلتك اتحلت من غير سبب!!! يعني مثلا بعد ما روحت للدكتور و كتبلك الدوا و انت اخدته و حددلك معاد العملية و فاضل عليها اسبوع تتفاجئ مثلا انه مبقاش فيه مشكلة و لا حاجه للعملية دي! الله؟ طب ليه؟ مش إن السماء لا تمطر ذهبا و لا فضة؟ اه....بس لعلك استوفيت السعي الي كان مطلوب منك...و كمان أصل الموضوع في الآخر مش في الأسباب نفسها...دي سنن و قوانين اه....لكن الموضوع في الآخر بيد الله وحده....سبحان الله!
الخلاصة انك : تدعي ربنا - تاخد بالأسباب و تسعي - تتوكل علي الله مش علي الأسباب و دايما افتكر : #إن_السماء_لا_تمطر_ذهبا_و_لا_فضة...
ليست هناك تعليقات:
إرسال تعليق