جدا جدا جدا!

جد حاجه عجيبة الشكل....! تقابلي واحده تقولك "دي فلانه بتحبك قوي"....انا: "بتحبني قوي؟!....غريبة؟ مش حاسه الحقيقة!"....هي: "لا يا بنتي انتي مش متخيلة..!"....طب مدام بتحبني قوي كده و بتموت في دباديبي:)....مش بتقولي ليه؟ مش بتكلمني ليه؟ طب بلاش اما بعيا و بتكوم و لا اما حتي بكلمها في التليفون مش بترد علي ليه؟ لا حقيقي إنه الحب الحب:)...........
فكرت لاقيت تناقض...انا مثلا في ناس بحبها جدا جدا جدا (3 جدا) و عمري ما قلتلهم (ليه؟ مش عارفه) و عمري ما فكرت مثلا أجيبلهم هدية (ليه برضو مش عارفه؟!) بس الحقيقة الواحيده الي ادامي اني بحبهم جدا جدا جدا (3 جدا:) ).....طب انا مستنيه ايه عشان اوصلهم اني بحبهم؟ اما يموتوا مثلا؟!
كمان لاقيت ان ساعات كتير الواحد بيجيله إحساس غير مبرر كده بالوحده او انه مالوش أصحاب...مع انه حواليه كتير....بس الظاهر إنهم مش بيقولوله:)))
بجد هفضل اتفكر في الحديث ده كتير قوي "و الكلمة الطيبة صدقة" ايوه انت بتتصدق علي الي ادامك لما بتقوله كلمة طيبة و ممكن جدا الكلمة دي تبقي ببساطة تعبير عن مشاعرك تجاهه....
لازم نعبر عن مشاعرنا للي بنحبهم...اهلنا و ازوجنا و اولادنا (اه و الله في ناس بتحب عيالها:)) و اصحابنا كمان....
قال النبي صلى الله عليه وسلم: «إذا أحب الرجل أخاه فليخبره أنه يحبه».
وعن أنس رضي الله عنه أن رجلا كان عند النبي صلى الله عليه وسلم فمر به رجل، فقال: يا رسول الله إني لأحب هذا. فقال له النبي صلى الله عليه وسلم: «أعلمته»؟ قال: لا. قال: «أعلمه». قال: فلحقه فقال: إني أحبك في الله. فقال: أحبَّك الذي أحببتني فيه
‫#‏احبكم_في_الله‬....
‫#‏حبايبي‬
‫#‏انطقوا‬
‫#‏بتحبوا_مين‬