سويسرا!

واحده قريبة جوزي....عايشه في سويسرا من زماااااااااااااااااان....اول اما خلصت جامعتها....سافرت و عاشت هناك....المهم مره كانت نازله مصر....عشان تزور الاسره الكريمه و اخواتها و كده....كان ساعتها وقت الاستفتاء بتاع نعم او لا.....الاستفتاء الي اهم مميزاته الطوابير...و قعدت انا و هي نتكلم....و طبعا كل معلوماتي عن سويسرا الشيكولاته و الساعات:)....المهم انها حكيت لي قصه جميله بصراحه....بتقولي عندهم هناك عملوا استفتاء برضو لكن من نوع تاني....عملوا استفتاء  هل نسمح للمتسولين بالتسول و لا لا.........تخيلوا؟ و ده طبعا حتي لو سمحوا لهم هيكون له طريقه معينه هي دي الي ممكن يتسولوا بيها....التسول القانوني يا اخواني :).....انه كل متسول يقعد في مكانه و يحط ادامه طبق و يسكت....ممنوع انه يطارد الناس و لو حتي بالكلام......المهم بتقولي انها كانت هقول طبعا ميسمحوش....لكن لقيت اصدقائها السويسريين بيقولوا لا طبعا نسمحلهم...يتسولوا احسن ما يسرقوا....فكر برضو....المهم -اه الي فات ده تحابيش المهم الحته الي جايه دي- ازاي بقي عملوا الاستفتاء....استفتاء من غير طوابير خااااااااالص و استفتاء سهل جدا......و انت في بيتك:)....تدفي كده و تجلس في سريرك مع كوباية شاي كشري - دي بقي اكيد مش عندهم في سويسرا:) - و تستفتي بالي انت عاوزه:).......كل مواطن بياخد ظرف مغلق....و يفتحوا في راحة بيته -شوفتوا راحة بيته دي :)- بيلاقي في ورقة الاستفتاء و دي ليها رقم او كود و بتلاقي معاها نسخه من الرقم ده عشانك تحتفظ بيها عشانك كدليل ان الصوت ده بتاعك....و حاجه تالته كمان و دي بقي مفاجاءه....ورق او منشورات بتقولك ليه تقول نعم و ليه تقول لا....بحياديه تامه....تخيلوا؟ مرارتكوا اتفقعت و لا اكمل؟:)........طيب علي اعتبار ان مرارتكوا لسه فيها السلامه...بعد ما تختار الي انت عاوزه...و تخلص الشاي الكشري:) تقوم تحط ورقتك في ظرف تاني - تقريبا بيكون مع الظرف الي استلاموه - و تقوم قافل الظرف باحكام و تبعته بالبريد..........و طبعا ده يتطلب ان يكون في هيئة بريد كويسه.........و يعتمد عليها.....حلو لحد كده؟ حلو جدا....لسه معايا مفاجائتين......الاولي انهم بيختاروا مواطنين من سويسرا عشوائي كده و يبعتلهم انهم يتفضلوا يجوا عشان عندهم فرز....فرز؟! اه فرز....الي بيعمل فرز هو حبة مواطنين بيختاروهم كل مره بعشوائيه....و لازم يستجيبوا و يروحوا يعملوا الفرز....و اخر مفاجأه ان في مناطق قالت نعم نسمح للمتسولين....و مناطق قالت لا....ولايات و ولايات....حاجه كده....بس فببساطه شديده المناطق الي موافقه سمحوا للمتسولين فيها و المناطق الي مش موافقه منعوا التسول فيها...........طبعا انا مش هعلق هسيبلكوا التعليق....
لكن هقولوكوا هنا بعض المعلومات المميزه سواء بالسلب او الايجاب عن سويسرا....من باب المعلومات العامه.....سويسرا اعطت المرأه الحق في التصويت....عام 1971 تخيلوا؟! متأخر قوي.....لا و فضلت ولاية Appenzell Innerrhoden ترفض تصويت المرأه لحد 1990........من 12 سنه فقط!!!!!....مقارنة بالمصريات...الي ليهم حق التصويت من عام 1956 و منصوص عليه في دستور1956.......معلومه تانيه مالهاش علاقه بالي فاتت....سويسرا تعتبر دوله حياديه.......و ليست عضوا في الاتحاد الاوروبي.......و عجبي:).......